तारामंडल महिला शशक्तिकरण अभियान र शहरी बिकाश तथा भवन निर्माण बिभागद्वारा संचालित राष्ट्रिय भवन संहिता तथा मापदण्ड सम्बन्धि जनचेतना मुलक कार्यक्रम संखरापुर नगरपालिका, नागार्जुन नगरपालिका, काठमाडौँ महानगरपालिका र बुढानिलाकण्ठ नगरपालिकामा संचालन गरिएको थियो । सहभागीहरुले कार्यक्रममा रुचि पुर्बक सहभागीता जनाएका थिए । साथै उक्ता कार्यक्रममा सोहि नगरपालिकाका इन्जिनियरहरुले नक्शा पास प्रक्रिया, कागजातहरु, दस्तुर, समय आदि बारे नगरबासीलाई जानकारी दिनु भयो, भने नगरपालिकाका वडा अध्यक्षहरुले यस्ता कार्यक्रम जनस्तरमा लिएर आउनु हुने सस्था तारामंडल महिला शशक्तिकरण अभियान र शहरी बिकाश तथा भवन निर्माण बिभागलाई धन्यवाद दिनु हुदै यस कार्यक्रमले आम जनमानसमा भवन निर्माण सम्बन्धि धेरै कुरा जानकारी भएको बताउनु भयो ।
कार्यक्रममा सस्थाकी अध्यक्ष कुन्तीदेवी पोख्रेलले राष्ट्रिय भवन संहिता तथा मापदण्ड सम्बन्धि जनचेतना मुलक कार्यक्रमले आमसर्वासाधारनलाई भुकम्प रहित घर बनाउन र जोखिम न्यूनीकरण गर्नमा धेरै सहयोग पुग्ने बताउनु भयो। साथै उहाले यस कार्यक्रममा सहभागी नगरबासी, जनप्रतिनिधि, शहरी बिकाश तथा भवन निर्माण बिभागका इन्जिनियर श्री शुदर्शन शर्मा , कन्सल्टेन्ट इन्जिनियर श्री सुर्य परियार र तारामंडल महिला शशक्तिकरण अभियानका इन्जिनियर श्री ज्ञान बहादुर लामा लगायत सस्थाका पुरै टिमलाई धन्यवाद दिनु भयो।
सस्थाले यस आवमा काठमाडौँ महानगरपालिकामा ३ वटा वडा १०, २९ र ३० मा, बुढानिलाकण्ठ नगरपालिकामा २ वटा वडा ११ र १२ मा, शंखारापुर नगरपालिकामा २ वटा वडा ६ र ७ मा त्यसै गरी नागार्जुन नगरपालिकामा २ वटा वडा ४ र ५ मा, गरी जम्मा ९ वटा वडाहरुमा कार्यक्रम संचालन गरेको थियो । उक्त कार्यक्रममा शहरी बिकाश तथा भवन निर्माण बिभागका इन्जिनियर श्री शुदर्शन शर्मा , कन्सल्टेन्ट इन्जिनियर श्री सुर्य परियार र तारामंडल महिला शशक्तिकरण अभियानका इन्जिनियर श्री ज्ञान बहादुर लामाले कार्यक्रम संचालन गर्नु भएको थियो । उक्त कार्यक्रममा बुढानिलाकण्ठ नगरपालिका का मेयर उद्धव खरेलले कार्यक्रम एकदम चेतनामुलक रहेकोले यस्ता कार्यक्रमले नगरबासी लाभदायी हुने भन्दै कार्यक्रम आयोजक सस्था तारामंडल महिला शशक्तिकरण अभियान र प्रायोजक शहरी बिकाश तथा भवन निर्माण बिभागलाई धन्यवाद दिनु भयो । नगरपालिकाका वडा अध्यक्ष लगायत जनप्रतिनिधिहरुको उत्साहपुर्वक उपस्थितिमा कार्यक्रम संचालन भएको थियो ।
